Inlawlawag ti National Union of People’s Lawyers (NUPL) a saan a miembro ti grupo ni Atty. Amando Virgil Ligutan a private prosecutor iti impeachment trial ni Vice President Sara Duterte.
Nagpalawag ti grupo kasaruno ti post ni dati a National Task Force to End Local Communist Armed Conflict (NTF-ELCAC) spokesperson Lorraine Badoy a nangikonektar ken ni Atty. Ligutan iti NUPL ken iti grupo a Lumaban nga ibilang ti Anti-Terrorism Council kas terorista nga organisasyon.
No pay kasta ket pinaglibakan dayta ni NUPL Secretary General ken human rights lawyer Kristina Conti a nagkunaanna a saan a miembro ni Ligutan ken makadadael laeng ti pammabasol ni Badoy.
Kinuna pay ni Conti a masansan a mabiktima ti red-tagging dagiti abogado a mangig-iggem kadagiti kaso iti human rights ken mangibagi kadagiti marginalized sector.
