VIGAN CITY – Impakaammo ni Cecile Sally, mangidaulo ti Social Security System Vigan Branch a no malpaston ti enhanced community quarantine ket agsubli metten iti operasyonda inton Mayo 4.
Segun kenni Sally, maaddaan iti number coding scheme iti last digit iti SSS number iti kada miembro tapno maliklikan iti panagdudupudop dagiti tao.
Karaman iti nasao a banag dagiti individual, employed, volunteer ken OFW a miembro iti SSS.
Iti number coding scheme, kasapulan laeng a kitaen iti maudi iti numero iti membership ket no 1 ken 2 ket maserbian iti aldaw iti Lunes; 3 ken 4 iti aldaw iti Martes; 5 ken 6 ti Mierkules; 7 ken 8 iti Huebes ken 9 ken 0 iti Biernes.
Malaksid iti dayta ket marugianton ti calamity loan inton April 24 a dayta ket babaen iti online filing ken adda iti dua a bulan a moratorium para iti utang ken saanda nga agsingir pay laeng para iti bulan ti Marso ken ti Abril.
