VIGAN CITY – Dakkel a balligi ken pakaragsakan ti National Union Journalist of the Philippines (NUJP) iti nagbalin a desisyon ti Quezon City Regional Trial Court Branch 221 iti Maguindanao Massacre a nagpaot iti pannakausig na ti sangapulo a tawen.
Nu pay kasta, kailalaan ni NUJP chairman Nonoy Espina iti pannaki-uman kenkuana ti Bombo Radyo Vigan iti pannaka-acquit da Sajid kenni Akmad Ampatuan imbes a makonbiktaran da kuma gapu iti mapapati a koneksyon da iti nakaam-ames a krimen idi November 23, 2009.
Idi kalman, December 20, dagiti laeng nakonbiktaran iti reclusion perpetua ket da Datu Zaldy kenni Datu Anwar Ampatuan pakairamanan dagiti sumagmamano a militar ken pulis a napaneknekan ti korte nga adda iti direkta a koneksyon da iti nasao a krimen.
Innayon na a nabayagen nga iyik-ikkis ti pamilya dagiti biktima iti hustisya ngem arigna adayo pay a magun-od da agsipud ta adda pay laeng ti pito pulo ket siyam a suspek a saan pay laeng a nakemmeg agingga iti agdama.
Malaksid iti dayta, pakadanagan pay ni Espina iti seguridad ti pamilya dagiti biktima agsipud ta posible a balsen ida dagiti nawaswas iti kaso ken nawaya-wayaan a suspek.
Patien ti opisyal ti NUJP a babaen iti desisyon ni Judge Jocelyn Solis – Reyes ket maliklikan iti pammapatay ken dagiti mapaspasamak a kinaranggas agsipud ta naipakita nga adda pay laeng iti ngipen ti linteg ken mapagtalkan iti judicial system iti pagilian ngem kidkiddawen na iti gobiyerno a mangbukel da kadagiti naduma-duma a wagas a makatulong kadagiti biktima dagiti naudma-duma a krimen.
