Madanagan ti National Union of Journalist of the Philippines iti banat ni Leyte 4th District Representative Richard Gomez kontra kadagiti miembro ti media nga agkidkiddaw kenkuana iti interview.
Segun ken ni NUJP Executive Committee Chairperson Jonathan De Jesus, makapaalarma ti tignay ni Gomez, ta kas kongresista ket isuna ti agar-aramid ken mangputputar kadagiti linteg a nasken a maipatungpal iti pagilian, ngem isuna met a mismo ti manglablabsing iti husto a pannakikammayet iti media.
Innayon ni De Santos a saan met nga agdadamo a kongresista koma ni Gomez tapno saanna nga ammo ti husto a panagbinnulig ti media ken ti opisial ti gobierno.
Impaganetgetna nga ar-aramiden laeng ti media ti trabahoda, ngem naakusaranda pay a paset ida iti media spin wenno panangdadael kontra kadagiti kongresista.
