VIGAN CITY – Madanagan ni Nonoy Espina, Chairman ti National Union of Journalist of the Philippines (NUJP) ta dagiti suspek iti pannakatay ti maysa a brodkaster idiay Dumaguete City, Negros Oriental ket pulis.
Segun kenni Espina, ti radio blocktimer a ni Dino Generoso ti maikasangagasut walo pulo ket pito a kameng ti media a napapatay ken isu ti maikasangapulo ket uppat a napapatay a kameng ti media iti agdama nga administrasyon.
Agsipud iti dayta, patien ni Espina nga adda kainaigan na iti pulitika iti pannakatay ni Generoso agsipud ta maysa a pulitiko ti maitudtudo nga akin-utek iti pasamak ngem saan pay laeng a naibuksilan nu siasino.
Mainaig dayta, ingunam-gunam na a masapul a madusa dagiti akin-utek iti pannakapapatay dagiti kameng ti media ta isuda ti manglaplapped iti pannakaiwaragawag iti pudno nga impormasiyon iti publiko.
