Opisyal nga indeklarar ti Department of Agriculture ti Nueva Vizcaya kas Ginger Capital of the Philippines.
Gagem dayta iti gobierno a tutokan ti panangparegta ti produksyon iti laya idiay Cagayan Valley region.
Kasaruno dayta iti bilin ni President Ferdinand Marcos Jr. a paregtaen ti agricultural productivity iti pagilian kangrunaan dagiti pagramen kas ti laya.
Segun ken ni Agriculture Secretary Francisco Tiu Laurel Jr., napateg ti laya iti culinary ken medicinal uses ken babaen ti panangsuportar iti Agriculture department ta mabalinna a pasayaaten ti produkto tapno maingato ti sapul dagiti mannalon idiay Nueva Vizcaya ken iti intero a Cagayan Valley.
Iti rekord ti Philippine Statistics Authority (PSA) ket umuna ti Nueva Vizcaya iti produksyon ti laya iti pagilian idi 2024 ta nakaapit iti nasurok-kumurang 7,140 a metriko tonelada manipod iti nasurok 900 nga ektarya a daga iti probinsia.
