--Ads--
VIGAN CITY – Umaboten ti innem a kameng ti New People’s Army ti natay iti napasamak nga engkwentro idiay Brgy. Suagayan, Sta. Lucia kas kinumpirmaran ni Major Rogelio Dumbrique iti 81ST Infantry Battalion.
Iti naisayangkat a clearing operation, nasarakanda dagiti uppat a bangkay kalaksidan pay kadagiti dua a nasarakanda met laeng idi kalman.
Naala iti nakapasamakan ti engkwentro ti uppat nga M16 rifle, maysa nga M14 rifle, dua a hand grenade, maysa a shot gun ken maysa a carbine.
Iti agdama, agpapalaing ita iti ospital dagiti lima a suldado a nadunor iti napasamak idinto a maysa ti nakumpirmaran a natay.
-- ADVERTISEMENT --
Agtultuloy ti panangsapul dagiti pannakabagi ti linteg kadagiti dadduma pay nga NPA a karaman iti nasao a pasamak.
