Mixed emotions ti marikrikna ita ni Rushiane Balongue-Carmelo, non-uniformed personnel ti Bantay Police Station gapu iti pannakaipasana ti 2024 Bar examinations iti maikadua a gundaway a panag-take na.
Iti pannaki-uman ti Bombo Radyo Vigan ken ni Atty. Carmelo, gapu iti nalaus a kinaragsak ket saannan a narikna ti nangan uray pay no madama ti Christmas program da idiay Bantay Municipal Police Station.
Time management ti wagas a sinurotna ta malaksid iti akemna kas maysa nga ina ken asawa ket agserserbi pay iti nasao a police station.
Pagyamananna met ti suporta nga impaay ti istasyonda ken ti panangaw-awat kenkuana ti asawana no kasapulanna ti oras nga agreview.
Innayon ni Carmelo nga arapaapna idin ti agbalin nga abogado isu nga inkagumaanna ti simrek iti law school ken nangisakripisyo iti orasna.
