Pinasingkedan ti Department of Labor and Employment (DOLE) a “No Work, No Pay” policy iti maiyetnag ita nga EDSA People Power Anniversary.
Maibasar ti labor advisory, saan a mandato ti employer a bayadan ti empleado a saan a mapan agtrabaho ta saan a naideklarara nga special working day ita nga aldaw.
Nu saan a mapan agtrabaho ti empleado ket saan a mabayadan malaksid laeng nu adda favorable company policy, practice wenno collective bargaining agreement a mangpalubos a bayadan ti special working day.
Iti advisory ket dagiti worker nga agreport iti trabaho ket makaawat ti sangagasut a porsiento iti sahodna ita nga aldaw para iti umuna a walo nga oras.
Makaawat pay dagiti mangmangged iti nayon a 25 percent nu agtrabahoda a nasursurok ngem walo nga oras iti hourly rate ita nga aldaw.
