--Ads--
Nangipila ni Majority Leader ken Ilocos Norte Rep. Ferdinand Alexander “Sandro” Marcos III ti gakat a mangipatungpal ti “no work, no pay” scheme para kadagiti miembro ti Kongreso.
Ti House Bill No. 7432 wenno No Work, No Pay for Members of Congress Act ket nai-refer iti Committee on Appropriations.
Gagem ti gakat a mabayadan laeng dagiti senador ken kongresista iti aldaw a presenta ken aktibo da iti opisial a responsibilidad.
Inlawlawag ni Marcos nga adda safeguards ti gakat ken saanna a dusaen dagiti agpampanday linteg nga ag-absent gapu iti responsibilidad.
-- ADVERTISEMENT --
Karaman pay iti gakat ti pannakapaadda ti attendance records tapno papigsaen ti transparency ken public oversight.
