Pinasingkedan ti Department of Labor and Employment (DOLE) a saan a mabayadan dagiti empleado a saan nga agtrabaho ita a panagramabk ti Lunar New Year.
Segun ti DOLE, maipatungpal ita ti “no work, no pay” rule ta naideklarar a special non-working holiday ti panagselebrtar ti Chinese New Year.
Kinuna ti DOLE a dagiti empleado a mapan iti trabaho ket makaawat ti nayon a 30% iti daily basic pay para iti umuna a walo nga oras a serbisyo ket nu nasursurok iti walo nga oras ket sabali pay a nayon a 30% iti hourly rate.
Kadagiti naka-day off ngem mapan agtrabaho ket masapul a maikkan ti nayon a 50% iti basic daily wage-da para iti umuna a walo nga oras iti panagtrabho ken nayon a 30% nu nagsurok iti walo nga oras.
Ti advisory ti DOLE ket tapno mabayabayan dagiti employer ken mangmangged iti panagbayad ti sueldo para ti special non-working day.
