Maidurduron ita iti Senado ti gakat a ti gagemna ket saan nga ipaayan iti sueldo dagiti nangato nga opisial ti gobierno kadagiti aldaw a naglangan nga awan ti makanay a palawagna.
Sakup ti gakat ti presidente, bise-presidente, senador, congressman, dagiti nabotosan nga opisial, cabinet secretaries ken dagiti department head.
Nakailanad ti saan a panangted iti allowance kadagiti opisial nga absent nga awan ti nasayaat a panagpakadana nga aglangan.
Segun ken ni Senador Erwin Tulfo, sponsor ti gakat, nakairuamanen dagiti nangato nga opisial nga awan ti mangsitsitar nga adda agsusueldo uray no absent, ta mamati a nakababain kadagiti gagangay a mangmangged ti gobierno nga awan ti sueldona no absent.
Impaganetget ti senador a nasken a patas ti pagannurotan iti no work, no pay – gagangay man a mangmangged wenno nangato nga opisial.
