VIGAN CITY – Addan dagiti nadumaduma nga establisyimento iti probinsia iti mangipapatungpal iti “no vaccination card, no entry” kas panagannad ti covid-19.
Iti pannakipapatang ti Bombo Radyo Vigan ken ni Perseveranda Alibaya a costumer ti maysa nga establishyimento, itugtugotnan ti vaccination cardna kagiddan ti pannakaisalinong ti Alert Level 3 iti probinsia ta isun ti kasapulan kas panangsigurado ti kinatalged dagiti sumrek.
Nupay kasta, adda dagiti business establishment nga uray adda vaccine card-na ket masapul latta iti ag-log in para iti posible a contact tracing.
Kasta pay nga adda dagiti saan a mangpalubos kadagiti awan pay ti husto nga edad gapu ti risgo kadakuada ti virus.
Kabayatanna, maysa a drugstore idiay Bantay iti mangikonsiderar ken mangpalubos ti umuna a gundaway kadagiti saan a makaammo iti pannakaipatungpal ti no vaccine, no entry ngem impasiguradoda a nu maulit manen ket saandan a palubosan pay.
