Nagtulag ti Philippine Coast Guard, Maritime Industry Authority (MARINA) ken Bangsamoro MARINA nga ipatungpal dagiti linteg ken regulasion iti domestic shipping tapno masigurado nga awan ti lokal a barko ti maka-biahe nga awan ti kasapulan a sertipiko ken dokumento.
Segun iti PCG, dagiti resibo, pammaneknek a filing wenno pending applications ket saan a katukad ti valid a sertipiko tapno makapag-operate ti barko.
Inlawlawag ti ahensia a dagiti laeng lehitimo ken opisial a na-isyu a dokumento ti kasapulan.
Iti salinong ti katulagan, ti MARINA ket mangipatungpal ti naing-inget nga addang kontra iti non-registration ken colorum operations kabayatan a ti Bangsamoro MARINA ket mangted ti transitional mechanism tapno tulungan dagiti operator iti panangsurot ti regulasion.
