Nairekord ti Ninoy Aquino International Airport (NAIA) ti kangatoan a bilang ti pasahero iti pakasaritaan kalpasan nga umabot iti 52.2 million a biahero idi 2025 kas pinasingkedan ti private operator a New NAIA Infra Corp. (NNIC).
Kangatoan idi Disyembre ta umabot iti 4.86 million a pasahero iti dimmalan iti airport ket 2.367 million ti international travelers a kangatoan a monthly record idinto a 2.495 million ti domestic passenger ti sumaruno a monthly volume para ti local travel.
Sakup ti listaan iti amin a biahe kas ti local ken international flights, dagiti oversease Filipino worker a pimmanaw ken nagawid, business trips ken dagiti pasahero nga adda connecting flights-na.
Agtaltalinaed a naurnos ken agtultuloy iti operasyon iti airport kangrunaan kadagiti peak season.
Mapapati a nakatulong dagiti baro a pasilidad ken sistema a naipatungpal iti napan a tawen pakairamanan ti biometric immigration e-Gates, panag-upgarde iti passenger processing systems, nasaysayaat a terminal facilities ken naing-inget a koordinasyon dagiti airline, ahensya iti gobierno ken airport stakeholders.
