Nangipaay ti tulong pinansyal ti National Housing Authority iti salinong ti Emergency Housing Assistance Program (EHAP) iti 1,076 a pamilia a naapektaran iti uram.
February 8, 2025 idi immawat ti P10,000 a tulong iti 549 a pamilia a biktima iti uram manipod Muntinlupa ken Parañaque City iti salinong ti Emergency Housing Assistance Program.
Indauluan ni NCR South Sector Manager Cromwell Teves a mangibagi ken ni NHA General Manager Joeben Tai iti panagiwaras iti tulong iti Muntinlupa kadua iti dadduma pay nga opisyal.
Kabayatanna, idi February 5 ken 7, 2025 ket nakaawat pay ti tulong pinasyal manipod iti programa ti 527 a pamilia manipod San Andres ken Tondo, Manila.
Iti salinong ti EHAP ket mangmangted ti NHA iti tulong pinansyal kadagiti pamilia a naapektaran ti didigra a kas iti bagyo, uram, ginggined ken layos tapno matulongan ida a makarugi manen ken makapatakder iti bukodda a pagtaengan.
