VIGAN CITY– Saan pay a kumbinsido ti National Food Authority (NFA) nga adda iti maipaay na a pagsayaatan ti rice tarrification bill kadagiti mannalon ta saan pay a nailawlawag no anya ti maipaay kadakuada a tulong, nangruna iti produksyon no maikkat ti limitasyon dagiti maangkat a bagas.
Ti ekslusibo a pannakiuman ti Bombo Radyo Vigan kenni NFA spokesperson Rex Estoperez ado dagiti ikarkari dagiti agpanpanday linteg kas iti scholarship , farm improvement ken health care para kadagiti mannalon ngem awan ti nalawag a solusyon no kasano a matulungan da nangruna no umadon to dagiti maangkat a bagas ket mapagamkan a saan ton a malako dagiti mannalon ti produkto da
Inlawlawag ni Estoperez a nababbaba ti presyo dagiti bagas nga aggapu iti sabali a pagilian a kas idiay Vietnam ket saan a mabalin a makikompetensya ti NFA ta adda ti maymaysa a presyo a paggatang da iti kada kilo ti bagas.
Kiniddaw ti NFA spokesman iti senado ken kamara a mangpanonot da ti addang no kasano a masalakniban dagiti mannalon no umado dagiti importasyon ken ipangruna a gatangen dagiti lokal a produkto ket iyud-udi ti panagangkat iti sabali a pagilian .
