VIGAN CITY- Pagpalawagen ti National Food Authority (NFA) dagiti retailers idiay Vigan City Public Market a naaktwan dagiti imbestigador ti ahensya nga agrep-repack ti NFA rice iti sako ti commercial rice ta mapapati nga ilako da iti nangatngato a presyo.
Segun kenni NFA- Ilocos Sur manager Beverlyn Peralta, inaklon dagiti retailers ti re-sacking kadagiti NFA rice ngem maidalan da latta iti imbestigasyon ta no mapaneknekan nga ilaklako da iti nanginngina a gatad dagiti bagas ket makanselar ti lisensya da nga aglako ti NFA rice , agmwelta ken masuspenso ti alokasyon na ti NFA rice.
Namnamaen ti NFA manager nga agserbi a leksyon daytoy kadagiti retailers tapno saan da a lokuen dagiti consumer ta ti NFA rice ket maipangruna a maited kadagiti napapanglaw ta nalaklaka ti presyo na no ikomperar iti commercial rice.
