--Ads--
Nangiruar iti nakurang 90 percent ti daan a rice stocks ti National Food Authority kalpasan ti auction idi Pebrero 20 tapno isu ti mangidalan iti panaggatang iti kaap-apit nga irik.
Segun ken ni Larry Lacson, nailako ti 32.5 milion a kilo ti bagas iti average a P28 kada kilo, a nakaur-or iti P936.5 million- nangatngato ngem iti target a P912.4 million.
Kadagiti 83 a lote a naidiaya, 57 a lote wenno 88 percent iti pakabuklan a volume ti adda nangabak a bidder.
Dagiti nadalus a bodega ket maaramat para iti panaggatang iti irik manipud kadagiti mannalon iti presio a saan a nababbaba ngem iti P17 kada kilo para iti wet palay ken P21 kada kilo ti dry palay.
-- ADVERTISEMENT --
