VIGAN CITY – Kiniddaw ti National Food Authority (NFA) ti P16.3 billion a paggatang ti irik inton 2025 tapno magun-od ti kaadu ti target volume para ti national buffer stock ken ti nayon a pondo para ti panag-upgrade ti storage capacity-na.
Segun ken ni National Food Authority Acting Administrator Larry Lacson, malaksid ti panangpondo ti paggatang ti irik manipod kadagiti lokal a mannalon ket masapul a mangbukel ti nayon a pasilidad ti panag-store ken panagsimpa kadagiti drying facilities tapno mapasayaat ti buffer stocking.
Iti agdama ket adda kapasidad ti NFA nga agpatakder ti 31,000 metriko tonelada ngem gumagatang ti nasurok-kumurang 495,000 a metriko tonelada nga irik.
Ti singasing a budget ti Department of Agriculture para iti NFA inton 2025 ket P24.85 billion a 77 percent a nangangato manipod ti P14.03 billion ita a tawen.
