Mangnamnama ti National Food Authority a makaalada iti nasurok gudwa a bilion a pisos a pastrek iti nangato a selling price dagiti bagas iti Department of Social Welfare and Development ken dadduma pay nga ahensia ti gobierno.
Segun ken ni Agriculture Secretary and NFA Council chairman Francisco Tiu Laurel Jr, inaprubaranen ti NFA ti ingangato iti selling price tib agas.
Idi 2023, nairekord ti NFA iti net loss a P6.19 bilion gapu ti panangikagumaanda a maimandato a gumatang iti irik manipud kadagiti mannalon ken mangbukel iti nine-day buffer stock nga adda 300,000 metric tons ti bagas.
Segun ken ni NFA Administrator Larry Lacson, ti pastrek ket isu ti mangidalan a makagatang pay ti NFA iti ad-adu nga irik kadagiti mannalon, ken mangpapigsa iti rice buffer ti ahensia, kasta payen a manayunan ti pastrek dagiti mannalon.
