--Ads--
Makaawat ti National Food Authority iti P124.4 milion a pondo manipud Japan International Cooperation Agency para iti panangpasayaat iti grain quality testing systems-na.
Pakabuklan a P184.2 milion ti mailatang iti proyekto, idinto a ti nabatbati a P59.8 milion ket baklayen ti gobierno ti pagilian.
Iti salinong ti 3 a tawen a programa manipud 2026 agingga 2028, mamodernisa dagiti laboratory ti NFA iti Central Office ken kadagiti rehion ti Cagayan Valley, Western Visayas, ken Davao Region babaen iti baro a testing equipment ken nasaysayaat a proseso ti panangkita iti kalidad ti butil.
Gagem ti proyekto a maksayan ti post-harvest losses, mapasayaat tik alidad ti apit, ken mapapigsa ti food security ti pagilian.
-- ADVERTISEMENT --
