--Ads--
Mabalinen a gumatang manen ti National Food Authority (NFA) ti naapit nga irik kadagiti local farmer idiay Bulacan.
Maipalagip a naipasardeng ti panaggatang ti NFA iti irik gapu iti pagkurangan ti space kadagiti bodegada.
Nagresulta dayta iti pananggundaway dagiti negosyante ta inlaklakada iti agingga P11.50 kada kilo a nababbaba pay ngem iti mapatta-patta a production cost a P12 agingga P14.
Nupay kasta ket adda dagiti saan nga insigida a nagilako iti irikda ken inurayda iti panagsubli ti NFA.
-- ADVERTISEMENT --
Gatgatangen ti NFA iti kaap-apit nga irik iti presyo nga P18 kada kilo.
Imbilin ni NFA Administrator Larry Lacson kadagiti miller a paspasan ti panagala ti irik kadagiti warehouse idiay San Ildefonso, Bulacan.
