--Ads--
Impangato ti National Food Authority ti minimum buying price ti wet palay manipud iti P17 kada kilo iti P21 kada kilo mangrugi iti panagaapit inton Setyembre tapno matulongan dagiti mannalon iti ngumin-ngina a gastos iti abono ken dadduma pay a farm inputs.
Pinasingkedan ni Agriculture Secretary Francisco Tiu Laurel Jr. a saan pay laeng a mapalubosan a makastrek ti imported rice kadagiti pantalan ti Iloilo manipud iti katengngaan ti Setyembre agingga katapusan ti Nobiembre tapno masalwadan ti lokal nga apit.
Segun iti Department of Agriculture, makatulong ti nasao nga addang tapno maingato ti farm gate price ti irik ken manayonan ti pastrek dagiti mannalon.
