Nakemmeg ti maysa a newly-identified high value individual iti naisayangkat a buy-bust operation idiay Barangay Tablac, Candon City, Ilocos Sur, maibilbilang a Drug Cleared Barangay.
Ti suspek ket agtawen iti tallopulo, taga-Barangay Medina, Dingras, Ilocos Norte.
Nakumpiskar manipud iti suspek ti nasurok kumurang limapulo a gramo ti mapapati a shabu nga aggatad iti P340,000 a naikabil iti sangapulo a piraso ti heat sealed transparent plastic sachet.
Dagiti non-drug evidence a naala ket pakairamanan ti uppat a piraso ti one-thousand-peso boodle money, maysa a genuine one-thousand-peso bill, walopulo ket innem a piraso ti one-thousand-peso boodle buy-bust money, cellphone, maysa a piraso ti nalukatan a transparent plastic sachet, nakupel a papel, cellhone box, lighter, ticket, ken P9,630 a kuarta.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
