--Ads--
VIGAN CITY – Gungunaan ti Ilocos Sur Provincial Hospital – Gabriela Silang ti maysa a Muslim a nagipasngay iti maladaga a babbai tattay eksakto alas dose iti tingnga ti rabii ken panangsarabo ti Baro a Tawen 2020.
Nabigbig ti nasao a Muslim a ni Sahanifa Aragasi Macatangcop nga agtawen ti dua pulo ket pito nga agnaed idiay Zone 3, Bantay.
Ti maladaga nga inpasngay na ket pinanaganan da ti Sabrine.
Segun ken ni Ilocos Sur Provincial Hospital – Gabriela Silang chief of hospital Dr. Trina Tabboga- Talaga, ipaayan da ti libre a bakuna ken dadduma pay a kasapulan a medical attention dagiti agina a kas panangbigbig iti gasat a simmangbay iti nasao nga ospital ta adda ti New Year baby.
-- ADVERTISEMENT --
