Netizens, nakilig iti panangipakita ni Katrina Halili iti imbati a surat kenkuana ni Kris Lawrence

Adu a netizen ti nakilig kalpasan ti panangipakita ni Katrina Halili ti surat nga imbati kenkuana ni Kris Lawrence.

Iti surat, nagyaman ni Kris ken ni Katrina ta inikkanna ti gundaway a maam-ammo manen ken makadua isuna.

Kinunana pay a saanna a dardarsen ti relasionda ta ti kayatna laeng ket marikna ni Katrina ti pudno nga intensionna.

Emosyonal ti aktres bayat ti panangbasana iti surat nangruna ti panangsaludsod ti dati a kaayan-ayatna no mabalinna manen ti agarem.

Segun ken ni Kris, patienna nga adda rason ti panagkitada manen ken kayatna ti maikkan iti gundaway a maparagsak ni Katrina.