VIGAN CITY – Inwayat dagiti pannaka bagi ti linteg ti Oplan Ligas a panaglabsing ti Republic Act 9293 wenno Intellectual Property Code of the Philippines ken RA 623 a naamyendaran babaen ti RA 5700.
Nabigbig ti suspek a nakemmeg a ni Bobby Jose Barba agtawen ti lima pulo ket siam agnaed ti Brgy. 6, Pagpandayan, Vigan City.
Segun ti CIDG-Ilocos Sur, inwayatda ti entrapment operation kadduada ni Shell and Isla Petroleum Corporation Representative Nestor Valencia kontra kenni Barba a nagresultaan iti pannakakemmegna.
Naaktuan ti PNP ti iligal a panagilako ti suspek ti a LPG Cylinders a kukua ti Isla Petroleum and Gas corporation.
Naala manipod ti suspek ti sangapulo ket uppat a Solane LPG Cylinder a pakairamanan ti buy bust item ket ikot ti suspek, dua nga awan nagyanna a 11 kgs Solane LPG Cylinder ken sangaribo a pisos a buy bust money ken maysa a resibo.
Ti agdama iggemen ti CIDG ti suspek ken maisagsaganan iti kaso kontra kenkuana.
