Negosyante nagballaag iti agwarwaras a peke a kwarta

VIGAN CITY – Imbingay ni Grace Lourdes Flores Arrojo nga adda iti naidumduma ti langana a sangaribo a pisos kabayatan iti panagbilangna ti kwarta.

Iti pannaki-uman ti Bombo Radyo Vigan kenni Arrojo, agbayad kuma isuna ti supplierna ket kabayatan iti panagbilangna nadlawna a sabali ti langa ti sangaribu a pisos a kasla na xerox, faded ti kulayna ken dadduma pay.

Inpadasna nga idalan ti money detector ket naduktalanda a peke ti sangaribu a pisos a naawatna ken pinagdumana ti sabali a sangaribu a pisos.

Saanen nga ammu ni Arrojo no sadino ken kaanuna a naawat ti peke a sangaribu a pisos iso a nagballaag kadagiti umili a sakbay nga awaten dagiti kwarta a naibayad wenno naipasukli kadakuada ket siguradwenda a saan a peke.