VIGAN CITY – Maysa a negosyante ti pimmusay iti napasamak a pammagkong idiay Brgy. Anonang Menor, Caoayan.
Nabigbig ti biktima a ni Ruben Quiba Fenol, agtawen ti lima pulo ket pito agnaed ti nasao a barangay ken iti maitudtudo a suspek a ni Carino Quirit Quadra alyas Amboy.
Iti pannaki-uman ti Bombo Radyo Vigan kenni PCapt. Joseph Bantullay, hepe ti Caoayan Municipal Police Station, agtultuloy iti panangammoda no ania iti napasamak iti nagbaetan da Fenol ken Quadra kalpasan iti nabara nga argumentoda ti natayan iti nasao a barangay.
Kiddaw ni Bantullay no siasinuman dagiti nakakita ti pasamak ket ipakammu laeng ti PNP tapno malawlawagan ti pammagkong.
Innayon ti kabsat ti biktima a ni dati a sangguniang bayan member Edwin Fenol, awan pay iti impormasyon a naawatda no ania iti napasamak kabayatan nga adda ti natayan ti kabsatna ken suspek.
Nagawid laeng ti biktima ta kayatna a suportaran ti kanakanna a nagngayangay a konsehal ti ili ken iti panangasikasona dagiti negosyona ken maipapatakder a balay ti kabsatna.
Mangnamnama ni Fenol a rummuar iti pudno inaig ti pasamak tapno maikkan ti hustisiya iti panankatay ti kabsatna ken naasideg ti pamilyada ken pamilya ti maitudtudo a suspek.
