VIGAN CITY – Ad-adalenen ti provincial government ti insingasing ni Committee on Tourism Chairman ken Provincial Board Member Gina Cordero a mapautangan dagiti negosyante a naapektaran iti COVID19.
Iti pannaki-uman ti Bombo Radyo Vigan ken ni Cordero, kayatna a makikammayet ti provincial government kadagiti kooperatiba kas ti NSCC tapno matulongan dagiti naawanan ti pagsapulan a dumur-as manen iti negosyoda.
Kabayatanna, mabalinen a sumrek dagiti local tourist ngem dagiti laeng aggapu kadagiti kabangibang a lugar ti mapalubosan ken mailaksid dagiti aggapu iti Pangasinan.
Malaksid iti dayta, kayatda pay nga awisen dagiti empleyado a naapektaran nga agsanay ken maikkanda ti sueldo kabayatan iti panagsanayda ta no man bilang agsublinton ti normal ket addada a nakasagana.
