--Ads--
Nakemmeg ti maysa a negosiante iti naiwayat a buy-bust operation idiay Barangay Cabittaogan, Santa Catalina, Ilocos Sur.
Dayta ket kalpasan a naaktuan nga agi-repack ken agilako iti awan markana wenno saan a rehistrado a manteka manipud kadagiti white container ken nakumpiskar kenkuana dagiti nadumaduma nga ebidensia.
Dagiti nakumpiskar kenkuana a manteka ket aggatad amin iti nasurok-kumurang P73,450.
Linabsing ti suspek ti Republic Act 9711 wenno (Food and Drug Administration Act of 2009), Article 18 paragraph b ken Article 76 ti Republic Act 7394 wenno Consumer Act of the Philippines ken panaglabsing iti Article XII Section 37 paragraph e ken f ti Republic Act 10611 wenno The Food Safety Act.
-- ADVERTISEMENT --
