--Ads--
Nangiruar iti pammilin ni National Disaster Risk Reduction and Management Council Chairman ken Defense Secretary Gilberto Teodoro tapno mangisayangkat iti regular infrastructure audit ken preparedness drill ti Office of Civil Defense kadagiti local government unit.
Ti pannakaiparuar ti memorandum ket gapu iti nagsasaruno a gingined idiay Cebu ken Davao Oriental, kasta payen ti mapagam-amkan a The Big One idiay Metro Manila.
Nailanad iti Memorandum Order No 279 a napetsaan iti October 14 ti pannakapapigsa ti Public Information Effort tapno maliklikan ti panagbuteng ken misinformation iti publiko.
Nabilin dagiti Regional DRRM Offices a makikammayet iti Phivolcs para iti technical support.
-- ADVERTISEMENT --
