VIGAN CITY – Agsagsaganan ti National Disaster Risk Reduction and Management Council para iti posible a panagduprak ti bagyo gapu ta adda ti bambantayan ti Philippine Atmospheric Geophysical and Astronomical Services Administration (PAGASA) a maysa a low pressure area iti pagilian.
Iti pannaki-uman ti Bombo Radyo Vigan kenni NDRRMC – Office of the Civil Defense Spokesman Mark Timbal, palagipandan dagiti local government unit nga agridam iti isasangbay dagiti didigra ken rumbeng a surotenda latta dagiti wagas a mangliklik iti COVID19.
No man maisayangkat ti evacuation ket rumbeng nga agaramatda ti facemask, suroten iti social distancing ket no ag-pre-emptive evacuation ket kasapulan a nawaya ti lugar a pangipananda dagiti evacuee tapno saanda nga agdudupudop.
Ingunamgunam ni Timbal a saan a rumbeng a pagtipunen dagiti masakit ken dagiti naka-quarantine tapno saanda nga agiinnakar ket no pay kasta, makikammayetda kadagiti LGU nga isu ti katulonganda nga agsagana.
