Nairekord ti National Disaster Risk Reduction and Management Council ti dua a natay, dua a nadunor ken lima a mapukpukaw gapu iti epekto ti nagtipon a habagat, bagyo Mirasol ken bagyo Nando.
Dagiti biktima ket manipud iti Rehion 3 ken 5 ngem manarimaan pay laeng ti validation.
Kabayatanna, 22,322 a pamilia wenno katukad iti nasurok 82,000 ti naapektaran iti saan a nasayaat a paniempo manipud kadagiti 140 a barangay iti Cagayan Valley, Cordillera Administrative Region, Central Luzon, Bicol Region, Western Visayas ken Zamboanga Peninsula.
Maysa a kalsada ken lima a rangtay iti Cagayan Valley ti saan pay laeng a madalanan dagiti motorista.
Duapulo ket maysa a pagtaengan ti nadadael – sangapulo ket uppat ti partially damaged ken pito ti totally damaged.
Umabot met iti P2.8 milion a tulong ti naipaay ti gobierno kadagiti naapektaran nga agindeg.
