Imbayog ti National Disaster Risk Reduction and Management Council ti lebel ti alertoda manipud iti Blue Alert Status a nagbalinen a Red Alert Status gapu iti Bagyo Crising ditoy pagilian.
Maibasar iti Memorandum No 170 ti NDRRMC, nabilin dagiti nakaduty nga opisial manipud iti Armed Forces of the Philippines, Bureau of Fire Protection, Philippine Coast Guard, Philippine National Police ken dagiti kameng ti technical staff iti Department of Science and Technology-Philippine Atmospheric Geophysical and Astronomical Services Administration, Department of Interior and Local Government, Department of Social Welfare and Development, Department of Agriculture ken dadduma pay a maseknan nga ahensia a mangted tulong ken makikammayet iti Operations Center para iti insigida a pannakaited ti tulong kadagiti maapektaran iti bagyo.
Kabayatanna, iti salinong ti Red Alert Status ket nabilin dagiti amin nga ahensia iti salinong ti NDRRMC nga agalerto ken agridam iti dakes nga epekto ti madi a paniempo ditoy pagilian ken kadagiti komunidad.
