--Ads--
Naibayog iti blue alert status ti National Disaster Risk Reduction and Management Council kas panagsagana iti posible nga epekto ti bagyo Isang.
Segun iti NDRRMC, nabaliwan ti status tapno nainget a mamonitor, ma-consolidate ken maipasigurado ti husto a pannakikammayet kadagiti maseknan nga ahensia ken opisina.
Dagiti primary wenno lead personnel manipud iti Office of Civil Defense ket masapul nga ag-duty-da latta iti operations center, kadua dagiti dadduma pay nga opisial.
Maipalagip a naibayog ti Tropical Cyclone Wind Signal No. 1 kadagiti sangapulo ket pito a lugar kagiddan ti manamnama nga iduduprak ti bagyo iti Northern Luzon.
-- ADVERTISEMENT --
Nasuspenso pay ti klase kadagiti sumagmamano a lugar.
