Nagpanawagan ti National Disaster Risk Reduction and Management Council (NDRRMC) iti amin a branch iti gobierno manipod national aginga barangay level ken uray iti pribado a sektor a siguradoen a natalged ti publiko ita nga opisyalen a nangrugi iti panawen iti panagtutudo.
Inrekomendar ti NDRRMC ti insigida a Pre-Disaster Risk Assessment, scenario building, inventory iti gamit, stockpiling ken panagsagana iti critical facilities.
Karamanen iti nainget a panangsurot iti LISTO Protocol iti Department of the Interior and Local Government (DILG).
Nabakaladan pay iti publiko nga agalerto iti weather updates, agsagana ti Go Bag ken makikammayet nga insigida kadagiti lokal a gobiernoda.
Segun iti Philippine Atmospheric, Geophysical and Astronomical Services Administration, nangrugin iti panagtutudo gapu iti agtultuloy a habagat.
Kabayatanna, posible dagiti monsoon breaks wenno apagbiit a tudo.
