Agtaltalinaed iti blue alert ti National Disaster Risk Reduction and Management Operations Center gapu iti pangta ti bagyo Francisco.
Segun iti ahensia, uray nababa pay laeng ti posibilidad ti landfall, agtultuloy a mabambantayan ti posible nga epekto ti bagyo iti pagilian kangrunaan kadagiti sumagmamano a paset ti Luzon.
Malaksid iti panagsagana para iti epekto ti saan a nasayaat a paniempo, agtaltalinaed ti alert status gapu iti agtultuloy a response operations ken monitoring kadagiti lugar a naapektaran iti magnitude 7.8 a gingined idiay Maasim, Sarangani.
Nabilin dagiti concerned government agencies ken Regional DRRMC nga ituloy ti panangbantayda iti masakupanda, mangisayangkat kadagiti kasapulan a panagsagana ken panangipasa iti regular report iti NDRRMC.
