--Ads--
Aggigiddan a nangisayangkat iti assessment ken response ti National Disaster Risk Reduction and Management Council mainaig kadagiti inapektaran ti bagyo Tino agraman ti umay manen a bagyo iti pagilian.
Segun ken ni NDRRMC Chair ken Department of National Defense Secretary Gilbert Teodoro, adda laeng window time agingga Sabado sakbay a dumteng ti baro a bagyo a maawagan iti “Uwan” isu nga ikagkagumaan ti ahensia ti agsagana.
Innayonna nga agtultuloy ti pannakikammayet ti Office of the Civil Defense kadagiti lokal nga opisial tapno matulonganda nga agsagana.
Nakasagana payen ti Department of Social Welfare and Development ken Department of Health a mangipaay iti serbisio kadagiti agindeg a maapektaran iti bagyo.
-- ADVERTISEMENT --
