--Ads--
Insublin ti National Capital Region Police Office iti heightened alert status ti seguridad idiay Metro Manila.
Dayta ket maysa aldaw kalpasan ti nakappia a panagleppas ti rally ti Iglesia ni Cristo iti Liwasang Bonifacio idiay Manila idi Hunyo 30 agingga Hulyo 2.
Segun ken ni NCRPO Spokesperson Police Major Hazel Asilo, naibaba ti alert level manipud iti full alert ta awan met ti seryoso nga insidente a napasamak.
Iti full alert status, amin a unit ken kameng ti kapulisan ket nabilin nga agtalinaed iti kangatwan a lebel ti panagsagana.
-- ADVERTISEMENT --
No met heightened alert status ket kasapulan latta nga ag-report iti trabaho amin a pulis ken maipatungpal ti 100 percent attendance tapno masigurado ti naan-anay a deployment dagiti personnel.
