--Ads--
Madanagan ti National Council of Churches in the Philippines (NCCP) mainaig iti imbutaktak ni dati a police colonel Royina Garma bayat ti House quad-committee hearing maipapan iti mapapati a “reward system” kadagiti extrajudicial killings iti war on drugs ti administrasion ni Duterte.
Iti hearing a naangay, kinuna ni Garma nga adda ti “reward system” para kadagiti polis a dumanon iti P20,000 agingga iti P1 million depende iti “level” ti drug suspect a patayenda.
Gapu dayta, inallukoy ti NCCP dagiti agpapanday-linteg a kitaenda dagiti maipagarup a pagkurangan iti linteg a nausar ken agtultuloy a maus-usar tapno i-jusify ti syndicated killings.
Suportado da met kadagiti pamilya a nagbalin a biktima ti extrajudicial killings iti war on drugs.
-- ADVERTISEMENT --
