VIGAN CITY – Inallukoy ti National Bureau of Immigration ni Kingdom of Jesus Christ ministry Apollo Quiboloy a sumuko kalpasan a napaay dagiti otoridad a nangsapul idiay Calinan district, Davao City idi kalman.
Nagturong dagiti agent iti NBI-Central Mindanao regional office ti sanikua ni Quiboloy idiay Barangay Tamayong kasaruno dagiti pakaammo nga adda dagiti lugan a sumrek ken rumuar iti nasao a lugar.
Nupay namin-ano a daras a ganat ket napaay latta dagiti otoridad a sapulen ni Quiboloy iti area ngem inawaten ti abogadona a ni Kathleen Kaye Laurente ti arrest warrant kontra ti preacher.
Segun ti NBI-Davao region chief Arcelito Albao, agtultuloy latta ti panagsapul dagiti agent iti ahensya manipod NBI ken Criminal Investigation and Detection Group tapno masarakan ni Quiboloy.
Sumangsango ti preacher iti tallo a kaso ti sexual ken child abuse iti Davao Regional Trial Court ken qualified human trafficking iti Pasay Regional Trial Court.
