NBI, planoda nga ayaban ni VP Sara, dagiti kabsatna, ken dadduma pay a personalidad kasaruno ti impasa nga affidavit ni Rodulfo Gracioso a mangiramraman iti pamilia Duterte a nabingayan iti minaleta a kuarta

Dagus nga inlawlawag ti National Bureau of Investigation a saan a subpoena ti maipatulod ken ni Vice President Sara Duterte ken ti kabsatna a ni Davao City 1^st District Rep. Paolo Duterte tapno kiddawen ti statement-na mainaig iti alegasion ni dati a police patrolman a ni Rodulfo Gracioso Jr. mainaig iti panangipatulodna iti minaleta a kuarta.

Pinasingkedan ni Gracioso a mangipatpatulod isuna kadagiti maleta a naglaon iti kuarta kada VP Sara, dati a Presidente Rodrigo Duterte ken ni Cong. Pulong.

Segun ken ni NBI Director Melvin Matibag, imbitasion laeng ken saan a subpoena ti maipatulod kadakuada.

Kayat nga ipasango ti NBI iti Bise Presidente ti kopya ti affidavit ken dagiti ladawan nga impasa ni Gracioso tapno makaited mismo iti statement kadagiti alegasion.

Naituding pay nga imbitaran ti NBI ni dati a House Speaker Velasco ken ti asawana a karaman kadagiti personalidad a nadakamat iti affidavit ni Gracioso.