Nakatuding nga ipasango ti House prosecution panel ita nga aldaw, Hulyo 13, ti sumaruno a testigo ti prosekusyon iti agtultuloy nga impeachment trial ni Vice Presidente Sara Duterte.
Mainaig latta daytoy ti imbestigasion ti National Bureau of Investigation iti maipagarup a pangta ti biag da Presidente Ferdinand Marcos Jr., First Lady Liza Araneta-Marcos, ken dati nga House Speaker Martin Romualdez.
Segun ken ni House prosecution spokesperson ken Lanao del Sur Rep. Zia Alonto Adiong, nakatuding a tumestigo ni Atty. Jeremy Lotoc, regional director ti NBI-Bangsamoro Autonomous Region in Muslim Mindanao (BARMM).
Pinasingkedan ni Adiong a mangted ni Lotoc ti resulta ti insayangkat nga imbestigasion ti NBI mainaig iti nadakamat nga insidente.
Ti testimonia ni Lotoc ket manamnama a mangituloy iti immuna a testimonia ni NBI Senior Agent John Mark Calilung a mangpaneknek ti authenticity dagiti video recording ken digital files mainaig ti statement ni VP Sara idi Nobiembre 23, 2024 iti maysa a press conference.
