Nangipila ti National Bureau of Investigation iti sangapulo ket innem a reklamo maipapan iti falsification of public documents, perjury, ken violation of the Anti-Alias Law kontra ken ni Yang Jian Xin wenno Tony Yang, kabsat ti dati a presidential economic adviser a ni Michael Yang.
Naipila dagiti reklamo kalpasan a natakuatan ti NBI no kasano nga inusar ni Yang ti sumagmamano nga alias-na tapno maka-establish ken maka-register iti sumagmamano a korporasion iti Securities & Exchange Commission idiay Cagayan de Oro City.
Dagiti kaso a naipila iti Office of the City Prosecutor ti Siudad ti Cagayan de Oro ket dumalan iti preliminary investigation idinto dagiti dadduma a complaints ket maipila iti sumarsaruno nga aldaw.
Maipalagip a nakemmeg ni Yang iti Terminal 3 ti Ninoy Aquino International Airport (NAIA) idi Setiembre 19.
