Nangipila ti kaso a kriminal ti National Bureau of Immigration iti Department of Justice kontra iti 2010 Vice President candidate Jay Sonza mainaig iti panagiwaras ti peke a medical bulletin mainaig ken Presidente Ferdinand Marcos Jr.
Segun ti NBI- Cybercrime Division, naammuan iti naisayangkat nga operasion idi Enero 2026 a dua a naggapuan ti madi nga impormasion ket da Jay Sonza ken Ka Eric Celiz.
Naala ti ebidensia babaen iti online post da a naglaon ti maipagarup a CT-scan report ken ladawan ni presidente Marcos, mainaig ti salun-at ken abilidad na mang-ubra ti trabaho-na.
Uray pay inikkat wenno nalimitaran ti orihinal a post ket nakaala ti NBI ti digital forensic screenshots ken na-monitor ti ahensia ti panagiwaras ti impormasion iti agduduma a reposts ken citations.
Inrekomendar ti NBI a pilaan dagiti dua ti Cyber Libel iti salinong ti section 4(c)(4) ti Cybercrime Prevention Act of 2012 kasta met ti kaso nga Unlawful Use of Means of Publication iti salinong ti Article 154 ti Revised Penal Code.
