Nakasagana ti National Bureau of Investigation a sumango iti House Committee on Justice hearing inton Abril 29 mainaig iti impeachment complaint kontra kada Vice Presient Sara Duterte, partikular iti mapapati a panangpangtana kada Presidente Ferdinand Marcos Jr., First Lady Liza Araneta Marcos, ken dati a House Speaker Martin Romualdez.
Segun ken ni NBI Director Melvin Matibag, nangisayangkat ti National Bureau of Investigation iti dayta a kanito iti imbestigasion kadagiti pangta ni VP Sara Duterte, ken ni First Lady ken ti speaker.
Innayon ni Matibag a nakaipilan iti kaso ti NBI iti Department of Justice, ket maibasar iti imbestigasion, adda nakita a posible a panaglabsing kas ti grave threats ken inciting to sedition.
Maipan iti Kongreso dagiti dokumento ken video a na-authenticate tapno suportaran ti imbestigasionda.
