NBI, nakabantay iti posible a pannakairuar ti warrant of arrest kontra ken ni Sen. Estrada kalpasan a pilaan ti Ombudsman iti kaso a plunder ken graft iti Sandiganbayan

Nakabantay ti National Bureau of Investigation iti posible a panangiruar ti arrest warrant ti Sandiganbayan kontra ken ni Senador Jinggoy Estrada.

Kasaruno daytoy ti pormal a panangipila ti Office of the Ombudsman iti plunder ken graft charges kontra iti senador iti Sandiganbayan idi kalman.

Segun ken ni NBI Director Melvin Matibag, nakasaganada a mangiserbi iti warrant of arrest no bilang addanton iruar ti Sandiganbayan.

Kabayatanna, nagkiddaw met ti Ombudsman iti hold departure order kontra ken ni Estrada ken dadduma pay a respondent agraman ni dati a Department of Public Works and Highways Secretary Manuel Bonoan.