Naipasan ti National Bureau of Investigation (NBI) ti sumagmamano a nayon a dokumento a kidkiddawen ti International Criminal Police Organization wenno Interpol mainaig iti kaso ni dati nga House Appropriations Chairman Zaldy Co.
Maipalagip a kiniddaw ti Interpol ti supplemental document manipud ti Philippine government kalpasan a kiddawen ti pagilian ti panagirruar ti red notice kontra ken ni Co.
Segun ken ni NBI spokesperson Palmer Mallari, naaramid da a naipasa dagiti dokumento sakbay ti deadline nga inted ti international organization.
Dagituy ket napagtitipon a dokumento manipud iti Department of Justice, Office of the Ombudsman ken Sandiganbayan.
Iti agdama, agtultuloy ti panangsapul ti NBI international Operrations Division iti ayan ni Co babaen ti tulong ti dadduma a pagilian.
